2004 ഡിസംബറില്‍ ഡി സി ബുക്സ് ഏര്‍പ്പെടുത്തിയ നോവല്‍ അവാര്‍ഡ് എനിക്ക് കിട്ടുന്പോഴും ഇതായിരുന്നു അവസ്ഥ.മിണ്ടാനാവുന്നില്ല..വിസ്മയമോ..അവിശ്വസനീയതയോ..തലേന്നുവരെയുണ്ടായിരുന്ന തലേലെഴുത്ത് നൊടിനേരം കൊണ്ട് മാറിപ്പോയി.എന്നെയും പരിഗണിക്കാം എന്ന അവസ്ഥയിലേക്ക് വായനാകേരളം രൂപപ്പെട്ടു.അതെന്നിലുണ്ടാക്കിയ വലിയ ഉത്തരവാദിത്തത്തിലാണ് പിന്നീടിത്രകാലവും ഞാനെഴുതിയത്.വായനക്കാര്‍ക്ക് എന്നോടുണ്ടായി വന്ന വിശ്വാസത്തിനോട് നീതി പുലര്‍ത്താന്‍ ഇതുവരെ കഴിഞ്ഞിട്ടുണ്ടെന്നാണ് വിശ്വാസം.അതിനപ്പുറമാണ് 2012 ല്‍ ലഭിച്ചിട്ടുള്ള ഈ പുരസ്കാരവും അതെന്നിലുണ്ടാക്കുന്ന ഉത്തരവാദിത്തവും.വാസ്തവത്തില് നടുക്കവും വിറയുമുണ്ട്.പക്ഷേ മുന്നോട്ട് പോയേ പറ്റൂ..എല്ലാവരും കൂടെയുണ്ടാവണം.വീഴ്ചകളില്‍ തഴയാതെ കാക്കണം.അനുഗ്രഹിക്കണം.എഴുത്തുകാരനായി ജീവിക്കാന്‍ തന്നെയാണ് എനിക്കാഗ്രഹം.
ഇതൊടൊപ്പം പുരസ്കാരം ലഭിച്ച മറ്റ് പതിനാറ് ഭാഷകളിലെയും എഴുത്തുകാര്‍ക്ക് എന്റെ ഊഷ്മളമായ അഭിവാദ്യങ്ങള്‍.
വിവര്‍ത്തകര്‍ക്ക് അനുമോദനങ്ങള്‍.
കഴിഞ്ഞ രണ്ടുമൂന്ന് ദിവസങ്ങളിലായി തുടരുന്ന സൌഹൃദവിളികള്‍ക്ക്,മെയിലുകള്‍ക്ക് ഓര്മ്മ‍പ്പെടുത്തലുകള്‍ക്ക്,വീണ്ടെടുക്കലുകള്‍ക്ക്,ഉയിര്‍ത്തെഴുന്നേല്‍പ്പുകള്‍ക്ക്..നമസ്കാരം.
എന്റെ പ്രിയ വായനക്കാര്‍..ദൃശ്യ പത്ര മാധ്യമ സുഹൃത്തുക്കള്‍..പ്രസാധകസുഹൃത്തുക്കള്‍..ബ്ലോഗ് വായനക്കാര്‍..ഇത്രവരെയെത്തിച്ച എന്റെ പിന്നിലെ ശക്തികള്‍..എന്റെ സ്വകാര്യമായ അഹങ്കാരമേ നിനക്കും..എല്ലാ നല്ല സ്നേഹത്തിനും ഹൃദയം നിറഞ്ഞ നന്ദി.
